昨天與一名男性友人相約尖沙咀會面, 誰不知要我白白苦等了他兩小時, 到逹時連一聲"不好意思, 我遲到了/對不起"都沒有說, 只是說"請你吃雪糕吧!"便草草了事.心裡有點不是味兒.
在餐廳裡, 他還強行要求調到另一個坐位,我是不想左搬右搬,而且本來的位沒有問題,但卻不理會我的想法, 這實在令我覺得他有點"自我", 難道就是不能遷就下女仔嗎?
最令我不滿的,是臨走時竟然連等我去一下洗手間都不願意, 一出門口即轉頭走, 就算是趕時間也應說明,就這樣"拍拍屁股走"的男人, 唉!不禁慨嘆一句"無耐"!
哈...由買NDSL開始都是機不離手的(買左唔夠一個月)～一有時間就會玩，很有目標咁想打爆晒心想幾隻GAME～所以呢個星期都不例外咁在家中打機，成為呢排好HIT的隱蔽青年～YEAH!其實唔係話冇街出，而係真係唔咁想出，多左鐘意留在家中，尤其是姐姐DAY OFF，更和她一齊打機，打個不停～好似這個星期日和她一齊打爆左應援團果敢版，很有滿足感～爽！其實都冇打機好耐啦，屋企都係得PS1,連PS2都冇，但好彩自小有父親培養呢個習慣，所以好易PICK UP返～（家中有任天堂家機(灰色)，超任，PS1同GAME BOY第一代)
有人可能會笑我，做乜咁大個人仲好似中學生咁機不離手，但我對打機有另一睇法，其實佢並不只娛樂咁簡單~
1. 活動腦筋, 轉數都快D, 所謂快人一步理想達到
2. 啟發做人道理
例如打MARIO KART 就領悟出未到最後一刻都唔知邊個會嬴, 只要唔放棄, 嬴的可能會係你
3. 人生要有目標
好似人生縮影咁, 想打爆GAME,要有堅毅的精神, 屢敗屢戰, 才可達到目標
4. 提升領悟力，反應，耐性度
每個game 都有佢一套玩法，要學識好快咁掌握及領悟佢的竅門，而且好多game都考反應或耐性
5. NDSL最大好處係GAME種類繁多任你揀，包你唔會悶
6. 當然係for RELAX
所以我係鼓勵人去打下機～哈哈～只要唔過於沉迷便可～呵呵，分享完畢～
P.S.有邊個都好似我咁鐘意打機，留個言分享下啦～＾＾
